Transgenikoak Euskal Herriko soro eta sukaldeetara heldu dira dagoeneko. Edozein teknologia berriren aurrean, galdera ugari sortzen dira, eta transgenikoen auzian ere horixe gertatzen da.

Balizko erantzunak aurkitzeko, transgenikoak zer diren zehaztasunez eta sakon aztertu behar da. Horrela baino ezin da ulertu zergatik dagoen euskal gizarteko eta sindikatuetako gehiengoa transgenikorik gabeko nekazaritzaren eta elikagaien alde eta herritarrek zer janari mota hartu aukeratzeko duten eskubidearen alde. Azterlan honetan, esku hartzen duten interes ezberdinek emandako informazioa errepasatu eta aztertu egingo dugu. Interes horietako batzuek nekazaritzako ingeniaritza genetikoa sustatzen dute, beste batzuek, ostera, transgenikorik gabeko nekazaritzaren eta elikagaien alde dihardutelarik.

Nekazaritza eta elikagai transgenikoak Euskal Herrian

Comments

Hotza egiten zuen baina pixkanaka giro paregabea sortu zen azokan. Gainera gorputza berotzeko salda bero bat edota ardo tragoa pintxoarekin hartzea nahikoa zen!

Hemen gure postu inguruko argazki batzuk:

Santa Tomasak ere ekologikoa jango luke...

Goizeko lehen pintxoak ateratzen, oraindik lasai...

Ganix, gure diruzain aparta!

Arraio irrati librerako elkarrizketa zuzenean

Itziar eta Jara, zein baino zein politago!

Sami, gure txorizero ofiziala!

Lan ta lan...

Gero eta jende gehiago...

Giroa berotzen eta jendea gosetuta

To! txorizo pintxo ear bat...

Salda badago!

Hau neretzat, hau zuretzat...

Ondoren, AEK-koekin bazkari mundiala egin genuen eta arratsaldean triki-poteo aldarrikatzailea Egunkariaren alde! Egun zoragarria!

Osasuna, umorea eta agroekologia!!

Gora UZTARO!!

Comments

Baserriko produktuak zuzenean ekoizleari erosteko aukera sortu da gure ibarrean. Taldea sortu dute, bide hori bultzatzeko. Astero 15 euroren truke, lau pertsonarendako besteko produktuak batzen dituen otarra eskura daiteke. Ekimenaren gainean jardun dute Arrasate Irratian Rakel Perez de Arenaza eta Gaizka Olabarrieta Arrasateko ekoizleak eta Maitane Igartua Elkarhezitzen elkarteko ordezkaria. Jarraian duzue elkarrizketa entzungai.

Aipatutako taldearen baserriko produktuak eskuratu gura izanez gero, ekimenaren bultzatzaileek, itxaron zerrenda osatzen ari dira. Zerrendan parte hartzeko deitu 943 77 17 38 telefonora edo eskaera egin honako helbide elektronikoan: elkarhezi[a bildua]telefonica.net.

Irratsaioa entzun

goiena.net

Comments

Comments

Comments

Maider Iantzi

2009ko Apirilaren 24a

Leire, Ainara, Imanol, Eider eta bertze lagun batzuk Zarautzeko gaztetxean bildu dira eskarola, erremolatxa eta zerbak hartu eta saskiak osatzeko. Gainera, gaur Uztaroko Udaberri Festa dute eta bazkarirako porru piloa garbitu behar dute. Uztaro Kooperatibako kideen asmoa «multinazionalen esku dagoen mundu mailako elikagai merkatuaren aurrean alternatibak sortzea» da. Ahal duten neurrian, beraiek ekoizten dituzte kontsumitu nahi dituzten elikagaiak, ekoizleek eta kontsumitzaileek elkarlanean, eta, hala, bi helburu betetzen dituzte: kalitatezko produktuak jaten dituzte, tokian tokikoak eta garaian garaikoak, ekologikoak eta baldintza egokietan landuak, eta ekoizleei baratzean lan eginez bizitzeko aukera ematen diete.

Baratzeak Beizaman dituzte eta bertako baserri batean bizi den bikote bat arduratzen da lurra lantzeaz. Egunotan haurra izanen dute eta esperoan daude denak, astero barazki otar bat jaso eta tarteka baratzean aritzen diren lagun guztiak. Hainbat herritan osatu dituzte lan taldeak: Villabonan, Andoainen, Lasarte-Orian, Azkoitian, Zestoan eta Zarautzen. Guztira 42 saski betetzen dituzte.

Uztarok Madrilgo Bajo el Asfalto está la Huerta (BAH) kooperatiba du eredu eta adin guztietako bazkideak ditu: adibidez, Zarautzen, hiru familia daude eta beraien asmoa haurrak baratzean egotea da. Leirek, aldiz, lurrarekin harremana izan nahi du. Baratze bat izateko ilusioa zuen, baina ez zuen egunero bertan lanean aritzeko modurik eta kooperatibak noizean behin joateko aukera ematen dio. Horretaz gain, badaki zer jaten duen eta nondik datorren.

Batzarrak eta auzolana

Kooperatiba batzarretan eta auzolanean oinarrituta dago. Herri bakoitzean eztabaidatu ondotik, asanblada orokorra egiten dute hilabetean behin eta bertan hartzen dituzte erabakiak: zer eta zenbat landatuko duten, zein lehentasun izanen dituzten... Bestalde, igandero herri bateko kideak igotzen dira baserrira langileei laguntzera eta lan karga handia dagoen unetan ere auzolanean aritzen dira. Parte hartzea ez da derrigorrezkoa, baina hagitz gustura egiten dute, euren arteko harremanak sendotu eta ederki pasatzen dutelako elkarrekin. Tokatzen dena egiten dute. Orain, udaberri-udan, belar txarra kendu beharko dute.

Elikadura kudeatzea dute helburu eta otarrarekin batera, oinarrizko produktu gehiago jasotzeko lanean dihardute: oilaskoak, frutak, arrautzak, olioa... Kalekumeak dira eta herria eta baserria gerturatu nahi dituzte, baita kontsumitzailea eta ekoizlea ere, bitartekariak kenduz, konfiantza sortuz. «Guk ez dugu EKO etiketarik behar janaria ekologikoa dela jakiteko, badakigu Manuelek oilaskoak nola hazten dituen», ohartarazi dute. Azaldu dutenez, baserriak galzorian daude, bigarren etxebizitza izateko edo nekazal etxe izateko arriskuan, eta administrazioek trabak besterik ez dituzte jartzen. Eurek baserritik bizitzeko alternatiba izan nahi dute.

Komisioak sortzen ari dira eta horietako bat da fruitu zuhaitzena. «Hiru lursail zeuden Beizaman zaindu gabe eta akordio bat egin genuen jabearekin: guk zainduko ditugu lurrak eta uzta gure kooperatibarentzat izango da», agertu dute. Leire eta komisioko gainerako lagunak sagarrondoak, udareondoak eta kiwi zuhaitzak kimatzen aritu dira egunotan jo eta ke. Intxaurrondoak ere badituzte. Ainara, aldiz, dirua lortzeko taldean dago eta gaurko jaiarekin dabil buru-belarri. Hamaiketakoa, batukada, bertso poteoa eta baratzeko produktuekin egindako bazkaria izanen dituzte Zarauzko gaztetxean. Bestarekin jarraitzeko, triki-poteoa eginen dute eta gaueko musika Rude KNK eta The Zestones taldeek eta DJ Korta y Pegak jarriko dute.

Ostegunean, haurren txanda izanen da. 17.15ean Porrotxek eta Txapas, Nagore eta Kontxi herriko musikariek ikuskizuna eginen dute gaztetxean. Txartelak hiru euroan daude salgai.

Erantzukizun partekatua da behin eta berriz aipatzen duten kontzeptua, haien artekoa eta nekazariekin dutena. Behin, txingorrak uzta hondatu zien, eta, hala ere, kuota ordaindu zuten. Baserritarrek baldintza duinetan lan egin dezaten bermatzen dute eta dagoena banatzen dute, asko dagoenean asko eta gutxi dagoenean gutxi, soberakinik ez egoteko. Gehiegi dutenean, trukea egiten dute. Bertze taldeekin harremana daukate eta elkar laguntzen dute. Uztaroko kideen nahia ez da gehiago haztea, bertze lekuetan ere halako ekimenak sortzea baino.

240 baratzezain Abetxukon

Gasteizko Udalak aisialdirako baratzeak, Urarteko eta Olarizuko baratze ekologikoak, sortu zituen 1998an. Garai hartan Zadorra ibaia lehengoratzeko lanak hasi zituzten eta legez kanpoko baratze ugari kentzeko asmoa zuten. Nekazaritzan jardun nahi zuen jende horri guztiari irtenbide bat emateko, gune kontrolatuago bat eratzea eta baratzezaintza ekologikoa sustatzea erabaki zuten. Hala, Abetxukoko proiektua bidea egiten hasi zen eta jende ugari batu zen.

Iñaki Febrero Ingurugiro Gaietarako Ikastegiko langilea da. Azaldu digunez, martxo aldean izena emateko epea zabaltzen dute eta ekintzetan parte hartu nahi dutenek eskaera egiten dute. Normalean, eskaintza baino eskari gehiago izaten dituzte eta zozketa egiten dute, baratzezaintza ekologikoko ikastaroa zeini eman erabakitzeko. 60 orduko ikastaroa da eta maiatzetik uztailera ematen dute. Nekazaritzari eta lurraren zaintza ekologikoari buruzko oinarrizko jakintzak irakatsi ondotik, lursail txiki bat ematen diete urte baterako edo gehiagorako barazkiak modu ekologikoan landatu ditzaten. Tutoretza zerbitzu bat ere ematen diete. Urtero jende berriari uzten dizkiete baratzeak egiteko txokoak eta hala jarraituko dute lekua duten bitartean.

Orain dela hiru urte arte profil argia zuten erabiltzaileek: jubilatutako eta aurrejubilatutako pertsonak ziren, 55 urtetik gorakoak, baina gero, jende gazte askok eskariak egiten zituztela eta lekua handitzeko aukera zutela ikusita, zabaldu egin zen baratzezainen profila. Orain, 60 pertsonarentzat ematen dituzte ikastaroak, horien erdia 55 urtetik gorako jendea da eta beste erdia gazteagoa. Emakumeak, gizonak, gazteak, zaharrak... denetarik dago. Gazteenak 20 urte izanen ditu eta zaharrenak 87. Denetara, 320 lursail eta 240 erabiltzaile dituzte.

Febrerok lekuaren kudeaketa antolatzen du. Ingurugiro hezkuntzan espezializatutako enpresa bat kontratatu dute ikastaroak eman, tutoretzak antolatu eta materialak banatzeko, eta Ingurugiro Gaietarako Ikastegiko langileek lekua kudeatzen dute: zozketak egin, ikastaroak antolatu, lursailen banaketa antolatu, urtero lurrak pertsona batzuei utzi, zalantzak argitu, arazoak konpondu...

Iaz lekutxo bat utzi zioten Euskal Herriko Hazien Sareari, hemengo haziak lortzeko eta zabaltzeko lanean dabilen elkarteari. Ilarrak eta meloiak jaso dituzte eta orain bi motatako zerbak dituzte landatuta. Negutegia ere jarri dute, baina oraindik ez dute deus erein bertan.

Urarten dute lursaila eta bertan izan gara Jaime Ortiz de Urbina sareko kidearekin. Bisitaren unean triste samar daude baratzeak, euria eta haize zakarra ari du eta jende gutxi dabil lanean. Baina eguraldi ona egiten duenean, adin guztietako lagunek nahasketa polita sortzen dute. Ortiz de Urbinaren iritziz, hainbat xede lortzeko balio dute baratze komunitarioek: «Jubilatu askok egoteko tokirik onena aurkitu du hemen, alaitasuna, beste baratzezainekin harremana dutelako, hurrengo egunerako zeregina dutelako. Mediku batek baino gehiago sendatzen ditu honek, oso osasungarria da. Elkarteei ere ateak ireki dizkiete. Guk beste leku batean ere egin ahal genuen baratzea, baina gure egitasmoa publikoa da, gure helburua baserrietan galtzen ari diren barietateak jaso eta zabaltzea da, ondasun publikoari eustea, eta pentsatu genuen saioak egin behar bagenituen, lur publikoetan egin behar genituela», agertu du Jaime Ortiz de Urbinak.

Ongi hornitutako baratzeak

Armairuak, aldagelak, komunak, dutxak, egoteko txokoak, botak edo porruak garbitzeko iturriak... Primeran hornituta dago Urarte. Baratzezainek ez dute tresnarik eraman beharrik ere, bertan dituzte aitzurrak, ureztailuak, orgatilak eta bertzelako objektuak. Ongarri ekologikoa ere banatzen dute arduradunek prezio onean.

Txoko batean, makina bat ikusi dugu lanean. Hondakinak, belar txarrak, porruen zati berdeak... horra botatzen dituzte eta buelta batzuk eman ondoren konpost gisa erabiltzen dute hilabete batzuetara. Izurriteren bat edo onddoak izanez gero, arduradunei galdetu eta beraiek ematen dute aholkua, azeri buztanarekin edo xaboia uretan egosita, intsektizida ekologikoak lortzen dituzte.

Babak, baratxuriak, porruak, espinakak, ilarrak, eskarolak... Neguko barazkiak dira nagusi oraindik Zadorra ibaiaren magal honetan. Lore ugari ere bada, belar usaintsuak, eta nekazaritza ekologikoan erabiltzeko sistema ezberdinak ikus daitezke, Gaspar Caballerorena, adibidez.

Udaberriarekin batera, Euskal Herri guztian loratzen ari diren baratze komunitarioek gaur egun nagusi den elikagai merkatuak alternatiba ederrak dituela erakusten dute.

Comments

Guzti hau arratsaldeko 19:30etatik aurrera izango da.

Ondoren, afari bat egingo da eta afarira joan nahi duenak aurrez abisatu behar du (sukaldariek jakin dezaten).

ANIMATU!!

Comments

Hemen argazki batzuk:

Comments

Hamaiketakoa jaten festa hasieran

BOTAPA batukada taldeak kalean ritmo brasildarrak jo zituen.

Bertsolariek Uztaro kooperatibari buruz abestu zuten

Barra-mobilak Dragon kan-etik igarotzean lanak eman zituen.

Bazkarian 86 pertsona bildu ginen Uztaro kooperatibako barazkiekin egindako jaki goxoak disfrutatzeko.

Bazkalondorenean, Anarik abesti batzuk abestu zizkigun oiloipurdiak ateratzeraino.

Euria lagun izan genuen arratsaldean. Hala ere, aterpea bilatu eta Barrena-Agosti trikitilariekin izugarrizko giroa izan genuen.

Rude KNK eta The Zestones taldeak gauari hasiera eman zion! Aupa Jortx!!

Ea taldeko Antoñitok saxofoiari bizia eman zion...

Eta ondoren, goizeko ordu txikiak arte DJ Korta y Pega izan genuen musika mota ezberdinez giroa animatzen!!

Comments

Comments

Jardunaldietako programa osoa

2008a izan da janari eta gose gehien egon den urtea

Comments

Bildots laurdena, bi litro esne eta behi gazta zati bat, 20 euroren truke. Hori da nekazari eta abeltzainek 200 poltsa berezietan sartu dutena, gaurr, Bilboko Arriaga plazan, zuzenean bezeroei saltzeko. Ekimen honen helburua, ekoizleek irabazten duten diruaren eta kontsumitzaileek ordaintzen dutenaren arteko ''diferentzia izugarria'' agerian uztea.

EHNE sindikatuak antolatutako ekimena izan da gaurkoa, kontsumitzaile elkarteen, Eguzkiren eta Ekologistak Martxanen laguntzarekin batera, besteak beste.

Merkatu honen bitartez, ekoizleek industriaren praktika ''neurrigabeak'' kritikatu ditu. EHNE sindikatuaren ustez, baserritarrak eta kontsumitzaileak dira jarrera hauen ondorioz kaltetzen diren bakarrak.

Bildotsa, esnea eta gazta prezio ''diferentzial'' horiek gehien pairatzen dituzten produktuak dira. Horregatik, abeltzainek hiru jateko hauek sartu dituzte saldu dituzten 'pack' berezi horietan. Sindikatuak zuzeneko salmentaren aldeko apustua egin du Bilbon. ''Kontsumo eredu hobeak dira, bai ekoizleentzat eta baita kontsumitzaileentzat ere''.

Merkatuko antolatzaileek "beharrezkotzat" jo dute Prezioen Behategia eratzea, "prezioen sorkuntza prozesuaren gardentasuna zaintzeko". Erakunde horrek "jarduera neurrigabeen aurrean eskua sartzeko eta zigorrak ezartzeko" eskumenak izan beharko lituzke.

Sindikatuak salatu duenez, ekoizleek "gero eta gutxiago" jasotzen duten bitartean, kontsumitzaileek "gero eta gehiago" ordaintzen dute landako produktuen truke.

Eguneko esnea, 'vending' bidez

Bestalde, Arabako zenbait abeltzainek ekimen originala abiatuko dute uda heldu baino lehen: Makinak jarriko dituzte lurralde osoan, kontsumitzaileek eguneko esnea eros dezaten, ohiko supermerkatuen prezioen antzekoan. Hala, ekoizleek bitartekarien bidez baino mozkin handiagoak izango dituzte.

Arabako ekoizleak lehenak izan ziren nekazaritza eta abeltzaintza produktuak saltzeko denda bat jartzen.

eitb.com

Comments

Comments

Comments

Comments

Egunik aproposena izan gabe ere (Alproja antzerki-taldearen "Bilhuts" antzezlanaren estreinua eta Arkamurkaren beste hitzaldi bat zeuden ordu berean...) dozenatik gora etorri ziren Putzuzulora proiektuaren berri izatera.

Bestalde, asteazkenean, Laboraleko lokalean 30 pertsona inguru gerturatu zitzaizkigun eta oso gustura gelditu ginen jendearen harrerarekin. Atera ziren zalantza guztiak argitzen saiatu ginen eta igandean Beizamara, baratzeak ezagutzera, igotzeko proposamena atera zen.

Beraz, hitzaldien ondoren honela gelditu gara:

Igandean, baratzea ezagutu eta bide batez, bilketan laguntzeko arratsaldeko 15:00etan Beizamako plazan. (hasiera batean 16:00etan gelditu ginen baina asteburuan ordua aldatzen dela ohartu gabe)

Urriak 30, osteguna, arratsaldeko 19:30ean Putzuzulo gaztetxean. Proiektuan bazkide izateko interesa dugunon edota kooperatibaren inguruko beste zalantzaren bat argitu nahi dutenen arteko bilera egingo dugu. Bertan, herrian bazkide-taldea nola osatu eta funtzionatzen hasteko lehen erabakiak hartuko genituzke. Norbaitek otarra erdibana hartu nahiko balu, bilera honetan izango du aukera beste norbaitekin konpartitzea adosteko.

Beizaman edota Putzuzulon ikusiko gara!!

Gora atxurrak!!

Laboralean egindako hitzaldiko argazki batzuk:

Comments

Momentu honetan, Uztaro kooperatibako bazkide-taldeak Azkoitia, Zestoa, Villabona, Lasarte eta Andoainen daude baina aukerak ikusten ditugu Zarautzen ere bazkide-talde berri bat sortzeko.

Hori dela eta, 2 hitzaldi-informatibo antolatu ditugu Zarautzen. Gure proiektua ondo azaldu eta bazkide berriak bilatzeko asmoz.

Hauek dira hitzorduak:

Putzuzulo gaztetxean
Urriaren 16an, 19:30ean

Laboralaren lokalean
Urriaren 22an, 19:30ean

Bertan ikusiko gaitunk!

Comments

Zenbaki saritua Billabonako taldekoek saldu dute, ADI, beraz, Billabona ingurukoak. Begiratu ondo zuen txartelak.

Ordezko zenbakia 2471 da eta hau, Azkoitiko taldekoek saldu dute.

Zorionak irabazleari eta ESKERRIK ASKO parte hartu eta lagundu diguzuen guztioi!!

Comments

Zozketa urriak 1ean izango da eta zenbaki saritua blog honetan jarriko dugu.

ZORTE ON!!

Comments

Beizaman kazkabarra gogor ari zen momentuan, kooperatibako bazkideok batzar ideologikoa egiten ari ginen Azkoitiko Matadeixen eta hurrengo egunean izan genuen gertatutakoaren berri.

Pasatakoaren aurrean elkarri animoak eman eta egoerari buelta emateko martxan jarri ginen. Politena jasotako animo mezu eta laguntza proposamenak izan ziren, elkartasun keinuez goxatu genuen barruko ezinegona.

Kazkabarraren ondoren baratza nola gelditu zen ikusteko, hemen argazki batzuk:

Comments